Nakakainis ung ganitong pakiramdam
Dati ayaw mo pa
Dati hindi ka pa handa
Pero dumarating
Ngunit ngayong nasa panahon ka na
Nang tamang pagkakataon
Para maranasan ang sarap
Ng pagmamahal na hinihintay
Wala naman
Wala kahit ano
Meron naman
Ngunit alam mong hindi pa
Mga pahaging
Mga paramdam
Na alam mong laro lang
Hindi seryoso
Pangpalipas oras lang
Puro porma lang
Nasaan na ba ang totoo?
Yung tunay ang intensyon
Pag-ibig na kayang ipakita
May tapang na iparamdam
Dahil alam niyang ito ay buo
Desidido sa emosyon
Sa iniibig at iibigin
Panghabambuhay
Pangmatagalan
Sana talaga
Umaasang darating siya
Pag-asang hinahawakan
Gaano man katagal
Patuloy pa din na maghihintay
Mananalangin pa din
Sapagkat hindi nauubusan
Alam mo kasing may darating
Di nga lang alam kung kailan