Advance Mag-Isip
- Pencil Book Philippines
- Oct 2, 2018
- 1 min read

Utak
Utak ang gamitin
Higit sa puso
Puso
Puso ay marupok
Damdamin ay mapanlinlang
Emosyong minsan ay di mapigilan
Isip
Isip ay gamitin
Kapag kailangan mong pumili
Dahil ang nararamdaman
Ay di pwedeng asahan at sandalan
Hindi mo ba napagtanto
Na may rason ang lahat
Kung bakit inilagay ang utak
Na mas mataas sa puso
Isip bago dibdib
Katagang pagmamatwid
Ang dapat sa pagpili
Lalo na’t mahalaga ang gagawin
Gagawing pagpapasya
Na makakaapekto sa takbo
Ng buhay mong puno ng daan
Tahakin mo ang tama
Timbangin ang mga bagay
Busisiin ang pwedeng mangyari
Dahil nasa kamay mo
Nakasalalay ang hinaharap
Bukas na dapat ay kaaya-aya
Mga pagpiling hindi mo pagsisisihan
Sa kadahilanang alam mo ang tama
Ngayon, mag-isip at magplano
Sa mga bagay na paparating
Sa mga desisyong kailangan gawin
Sa pamilya, sa pag-ibig
Sa pera, sa personal
Ang tagumpay ay hawak mo
Maging maingat sa mga bagay
Na aanihin mo pagdating
Ng kinabukasan na haharapin