Gumawa Wag Puro Kuda

Napakadami nang opinyon

Malakas na pagpindot

Sa mga letra para ipakita sa madami

Ngunit, natanong mo ba ang sarili?

Hindi mauubos ang bawat prinsipyo

Ang bawat komento sa mga nangyayari

Lalo na sa pulitika at gobyerno

Ekonomiya at pangyayari sa mundo

Ituon ang atensyon sa pagbabago

Na nagsisimula sa’yo

Huwag umasa sa iba

Kung mismo ikaw ay hindi nakakatulong

Simulan mo sa sarili

Ang hinahanap mo sa iba at sa marami

Huwag mong ituro ang paninisi sa iba

Dahil tayo ay dapat responsable

Akuin ang bawat aksyon

Kabutihan ang pairalin

Pagiging matuwid ang asahan

Sa sarili tumingin, huwag sa iba

Laging magsaliksik

Ugaliing magtanong

Kung ikaw ang nasa posisyon ng nauukulan

Sa tingin mo, ikaw ay masisiyahan?

Anong masasabi mo sa mga bagay na nagawa mo

Kung ikaw ang nasa posisyon ng mga binabatikos mo

Sa tingin mo’y mahihigitan mo ang nakamtan nila?

Tingnan ang sarili kaysa magturo at manisi ng iba

Sa sarili mong paraan ay gumawa ka

Sa halip na bumatikos ay kumilos ka

Mag-ambag ka sa pagbabagong hinahanap mo sa bansa

Huwag puro kuda na wala naming napapala