Hindi Na Ako Masaya Sa Work

Nahihirapan na ako

Nahihirapan na ako sa bagong yugto ng buhay ko

Hindi ko inaasahan na ganito pala kahirap ang buhay

Hirap na sa pagbudget ng pera, hirap pa sa pag balanse ng oras

Minsan naiisip kong bumalik na lang sa pagiging estudyante

na kahit nahihirapan na ako, masaya pa rin ako

Nahihirapan na ako. Nahihirapan na ako sa adulting life

Ayoko na

Ayoko nang gumising ng madaling araw

para makipagsapalaran sa kahabaan ng EDSA

Gumising ako ng alas dos

upang hindi mapagalitan ni boss kung bakit ako late

Dalawang oras akong nakatayo sa siksikan na bus papuntang Ortigas

Ngalay na mga paa ko. Ngalay na mga binti ko. Ngalay na ang batok ko Kakahintay kung anong oras ako makakababa

sa halos hindi umuusad na trapiko sa EDSA

Ayoko na. Ayoko na magbiyahe ng mahabang oras

Pagod na ako

Pagod na ako sa mga pagalit ng boss ko

na dinaig pa niya ang bulkang Mayon sa halos araw-araw niyang pag-aalburoto

Ginagawa ko naman ang lahat. Pinipilit ko namang hindi gumawa ng mali pero bakit para siyang nanay ko na lagi na lang akong kinukudaan

na parang wala na akong ginawang tama

Pero buti pa nga ang nanay ko, na-appreciate ako at mahal ako

Pero yung boss ko, hindi na nga nag a-appreciate, hindi pa ako mahal Kasi puro mura lang ang natatanggap ko.

Pagod na ako. Pagod na ako sa pagpapasensya sa boss ko

Nakakasawa na

Nakakasawa na ang paulit-ulit na ginagawa ko sa trabaho

Puro emails at meeting na lang lagi araw-araw

Wala man lang bago. Wala man lang akong nararamdaman na fulfillment

sa mga bagay na ginagawa ko

Ewan ko ba. Baka ako lang ang nakakafeel ng ganito

yung hindi ko na nakikita yung pinakapurpose ko in lifeNakakasawa na. Nakakasawa nang bumalik sa paikot-ikot kong buhay

Nakakatamad na

Nakakatamad nang pumasok. Yun lang. Tinatamad na ako lalo na kapag Lunes. O, Lunes na gusto ko nang gawin itong Biyernes.

Parang gusto ko laging weekend na lang para

ma enjoy ko naman ang life na deserve ko

Sa pitong araw sa isang lingo, dalawang araw lang ako nagiging masaya Dalawang araw lang ako nakakapagpahinga

Nakakatamad na. Nakakatamad nang magtrabaho ng magtrabaho.

Hindi na ako masaya

Hindi na ako masaya sa mga bagay na ginagawa ko

Hindi ko alam kung bakit. Hindi ko alam kung paano ako humantong sa ganito

Nagising na lang ako isang araw, nahihirapan na ako, ayaw ko na, pagod na ako, nagsasawa na ako at tinatamad na

Bottomline, hindi na ako masaya

Kaya siguro gusto ko laging nasa food park ako tuwing payday, nasa galaan ako every weekend, nasa beach ako tuwing summer, namumundok ako every month at nagttravel ako sa mga malalayong lugar tuwing vacation leave ko

Pero, kahit lahat ng ito’y ginagawa ko, hindi pa rin ako masaya