Inflation Pa More

Daing ng mga tao, wala ng katapusan

Sa bawat balita, ikaw na lang lagi ang laman

Pitakang hawak ko, laging nawawalan

Sa kada taas mo, bulsa’y nauubusan

Kelan kaya bababa, presyo mong ginintuan

Sana nama’y isipin, nahihirapan na ang karamihan

Sa pagkayod araw-araw, kulang pa ang isang buwan

Mahal naming gobyerno, sana kami’y matulungan

Hindi na nakakatuwa, pagtaas mong walang hanggan

Pamahal ka ng pamahal, umaaray na ang taong bayan

Baka gusto mo namang huminto ng panandalian

Para naman matapos na ang napipintong kaguluhan