Kaya Mo Pa

Ang dami mong hugot

Dahil marami kang pinagdadaanan

Na walang nakakaintindi

Walang nakakaunawa

Mahirap ang buhay

At mahirap din mabuhay

Sa mundong ito na puno ng mga isipin

Pati responsibilidad na hindi mo na mabilang

Alam kong simple lang naman ang gusto mo

Ang pamumuhay na magaan at simple

Yung hindi mo na kailangan isipin

Ang mga bayarin mong walang hanggan

Bakit ba kasi ang daming kailangan gawin?

Magtrabaho, kumita ng pera, kumayod

At paulit-ulit na gagawin mo buong buhay mo

Eto na lang ba ang dahilan kung bakit andito ako sa mundo?

Naniniwala akong hindi lamang ito

Ang layunin ko kung bakit ako nabubuhay

Pangarap ko ay mabuhay ng tunay

Maging maligaya at makita ang totoong mundo

Masayang makita ang mga lugar na magaganda

Matikman ang mga pagkaing masasarap

Na hindi na iisipin ang pambayad

At ang presyo ng dapat kailangang bilihin

Konting hinga pa

Patuloy na magdasal pa

Kayanin mo pa

Dahil ito ang dapat