Makabuluhang Tradisyon

Ang Disyembre na yata

Ang pinakahinihintay ng lahat

Tila paboritong buwan sa buong taon

Dahil masaya ang okasyong ito

Napakaligaya ng marami

Ito yata ang panahong

Parang umaapaw ang salapi

Lahat ng mukha ay puno ng ngiti

Bawat tao ay masaya

Lahat ng tao ay abala

Namimili, namimigay

Nagbabalot, naghahanda

Regalo sa karamihan sa atin

Dekorasyon naman ng bahay sa iba

Iba’t ibang pagkain ang hinahanda

Labing dalawang prutas naman sa kanila

Bagong damit, bagong gamit

Makukulay na parol

Maiingay na tugtugin

Mga batang sa lansangan ay nangangaroling

Simbang gabi na kailangang buuin

Puto bumbong na mainit

Bibingkang nag-uumapaw sa keso

Masayang panahon na namang muli

Umuuwi sa probinsya ang iba

Nagtatagong mga ninong at ninang, nasaan na?

Pagkakaisa ng bawat pamilya

Kapatawaran sa isa’t-isa

O, ang sarap

O, ang saya

Paskong laging inaalala

Paskong anong ligaya

Sana’y manatili

Sana’y hindi mabali

Mga tradisyong hindi na mag-iiba

Matibay na sa pagkahubog ng kultura

Ito’y ating ingatan

Lagi nating gawin

Mga simpleng nakagisnan

Mabuting ipagpatuloy natin