O Kay Bilis ng Panahon
- Pencil Book Philippines
- Dec 21, 2018
- 1 min read

O kay bilis ng panahon
Nakalipas na ang taong 2018 na parang isang kisap mata
Ang dami kong napagdaanan, ang dami kong pagsubok na nalagpasan
Na akala ko’y hindi ko na mapapagtagumpayan
Ngunit heto ako ngayon, mas handang lumaban
Dahil sa nakalipas na taon, pinagtabay ang aking kakayahan
Sinubok ang lakas ng aking loob
Mula pisikal, emosyonal at ispiritwal na aspeto’y nahirapan
Iba’t ibang uri ng pagsubok ngunit iisa ang aking natutunan dito
Na ang bawat problema ay malalagpasan ko rin
Na ang bawat hirap, pagod at pasakit ay may naka-abang na biyaya
Biyayang higit pa sa iyong inaasahan
Kahit na mahirap, naging masaya ako
Hindi ko alam kung anong meron sa 2018 kung bakit ito naging mahirap
Pero kahit na ganun, ang dami pa ring mga bagay
Na dapat kong ipagpasalamat
Maraming mga magagandang bagay na nangyari sa akin
May mga bagong oportunidad na dumating
May mga bagong kaibigan akong nakilala
At may mga bagong araw na hindi ko makakalimutan
Masaya, masigla, masakit at mahirap
Ganyan ko maisasalarawan ang aking 2018
Iba’t ibang emosyon, halo-halong karanasan
Taon na hindi ko makakalimutan
Tuluyan ko ngang masasabi na
Goodbye 2018 at Hello 2019