Paalaala sa mga Kababaihan
- Pencil Book Philippines
- Jan 28, 2019
- 1 min read
Alalahanin ang nakaraan
Noong pinaghihirapan ang pagsuyo
Sa mga dalagang minamahal
Ng mga binatang gusto silang kasintahan
Hindi dapat magbago
Hindi dapat mawala
Ang mga sakripisyo
Na dapat ginagawa ng mga binata
Ang mga mahahalagang bagay
Tunay na dapat pinaghihirapan
Nang masukat ang pagtitiis
Pasensya na kailangan sa isang relasyon
Kapag ito ay nagsimula na
Kapag ang relasyon ay opisyal na
Dahil hindi lang romansa
Ang pagsasama ng dalaga at binata
Nilikha ang babae
Ayon sa Kanyang Salita
Ay sinusuyo ng lalaki
Ipinapakita ang tunay na pag-ibig
Dahil ang lalaki
Ay nilikha na magsasakripisyo
Sa babaeng gusto
Na iniibig ng totoo
Magandang dilag
Ika’y maghintay
Hayaan mong ikaw ay suyuin
Hayaan mong ikaw ay lapitan
Tamang oras ay hintayin
Tamang kagustuhan ang manaig
Hindi pansariling kagustuhan
Ang maging sentro ng pagmamahalan
Hindi ako, sa akin, sarili ko
Kundi siya, sa iyo, sa ibang tao
Sakripisyo at hirap
Parte ng pagpapatunay ng tunay na pag-ibig
Comments