Puso'y Ingatan Mo
- Pencil Book Philippines
- Jan 28, 2019
- 1 min read
Hindi lamang literal
Kundi rin sa kaibuturan nito
Mga okasyo’y kakatapos lamang
Mga kainan ay kaliwa’t kanan
Pasko’y tapos na
Bagong taon ay lumipas na
Mga handaang iyong pinuntahan
Walang humpay ang nakahain
Iba’t ibang pagkain
Kakaibang luto
Mga nakalapag sa kanilang mesa
Inalok ka at kinain mo
Hinay hinay lang
Dahil ang pagkain ay may bukas pa
Hindi mauubusan
Sapagkat laging meron pa
Biglang bumigat
Timbang noong nakalipas na taon
Ngayo’y nagdesisyon ka
Na bawasan ang timbang
Kailangan bumawi
Sa mga kainang nagdaan
Dapat ng maging maingat
Sa mga kinakain at ginagawa
Wais dapat sa pagpili
Ng mga kinakain
Sa dahilang lahat ay may katapat
Resulta ng mga ipinasok sa katawan
Unahin ang pangunahin
Gulay, prutas, ehersisyo
Umiwas sa matamis at maalat
Nang gumanda ang kalusugan mo
Hindi ito para lang sa’yo
Kundi para sa puso mo
Na damay ang buong katawan mo
Maging malusog ngayong taon
