Akala Ko Ako Lang

Nag-umpisa tayo bilang magkaibigan

Di nagtagal umamin ka sa nararamdaman

Nung una akala ko pawang kalokohan

Pero nung tumagal ito’y iyong napatunayan

At yun na nga tayo’y nagka-ibigan

Unti-unti kong natutunan na ika’y pagkatiwalaan

Wala pa mang label pero ganun na ang turingan

Ngiti mo’y iba na sa tuwing tayo’y magtitinginan

Nasasabi ko na sa’yo lahat ng pinagdadaanan

At andyan ka lagi para ako ay pakinggan

May mga plano na tayo para sa kasalukuyan

At dun ko naisip na magbigay na ng kasagutan

Pero bigla kang nag-iba nang siya’y ating mapag-usapan

Nagbago ang ihip ng hangin, nanlamig ng pandalian

Hanggang sa trinato mo na ulit ako bilang kaibigan

At nagsimula nang gumulo ang aking puso’t isipan

Nakita ko na lang kayo na nagkakamabutihan

Akala ko wala lang nang bigla niya akong kwentuhan

Sana naglakas loob ka sa’king sabihin ng harapan

Hindi yung sa kanya ko pa talaga malalaman

Akala ko ako lang pero may dumating pala para punan

Ang oo na di mo agad narinig sa’yong katanungan

Buti na lang di ko pa nasambit ng tuluyan

Mabilis ka pa lang bumitaw sabay kapit sa pang-mabilisan

Masyado nang masikip, ayoko nang makipagsiksikan

Lalo na kung di naman pala seryoso ang pinapasukan

Hindi lahat “two is better than one” ang usapan

May mga bagay na para lang sa dalawahan