Diary ng mga Tita (to their pamangkins na wala pang Jowa)
KAMUSTA IHA?
Tanong ni Tita sa handaan ng pamilya
Hindi pa nakakasalita may isang bitaw pa na
MAY BOYFRIEND KA NA BA?
SAGOT KO NAMAN AY,
"Hi, Tita! Okay naman po. Kayo po?"
"Wala pa po. Career po muna."
"Wala pa po. Busy at abala pa po e."
Mga sagot na pilit binibigkas matapos lang ang usapan
ISA PANG HIRIT NA AYAW PAAWAT
Ilang taon ka na ba?
Bakit di ka pa nag-aasawa?
Mga tanong na kahit anong iwas ay huhulihin ka
SAGOT KO KAY TITA,
"Wag po kayong mag-alala.
Masaya naman po akong mag-isa
Kaya ko naman po ang aking sarili
GAYANIN MO ANG PINSAN MO
Engaged na this month
Abay ka daw
Dapat ikaw na ang sumunod sa kanya
TAWA NA LANG
Sa pressure na meron sa aking mga tiyahin
Sa sinasabi ng mundo na eto dapat gawin
Sa kulturang parang kakaiba ka pag walang kasintahan
HAY, TITA
Nawa'y sa muli nating pagkikita
Masaya ka sa anumang resulta ng aking pamumuhay
Wag kang mag-alala. Naiintindihan po kita.
NGUNIT SUBALIT BAGAMAT
Tandaan natin na ang kasintahan
Ay di lamang basehan ng buhay na maligaya
Na di lamang basehan ang pag-ibig sa isang nobyo o nobya
Para masabing buo ka
