Hi Crush
Sa una nating pagkikita ay wala akong naramdaman na kahit ano
Isang simpleng araw, isang simpleng pagkikita ng dalawang tao
Ngumiti ka, ngumiti ako at nagkangitian tayo
Natatandaan ko pa ang araw na iyon, nang bigla mo akong kinausap
Sabay sabing, “Kamusta ka na?”
Oo! Oo?
Oo ang naisagot ko. Dahil Oo! Nagulat ako dahil hindi mo naman ako masyadong kilala para kamustahin
Pero ikaw pa yung may lakas ng loob para kausapin ako
Lumipas ang mga araw at muli tayong nagkita
Muli tayong nagkangitian
Muli tayong nagkatitigan at doon
Doon nagsimula na gusto kita lalong makilala
Doon nagsimula na gusto kitang makita araw-araw
Doon nagsimula na gusto kitang maging kaibigan
Kaibigan? Mali, doon nagsimula na gusto kitang maging ka-ibigan
Dahil nahulog ako
Nahulog ako sa mga titig mo
Nahulog ako sa mga ngiti mo
Nahulog ako sa mga patawa mo
Nahulog ako sa’yo
Oo. Alam ko may iba ka
Pero hindi ko mapigilan itong nararamdaman ko para sa’yo
Na halos sasabog na ako
Sasabog na ako sa tuwa
Sasabog na ako sa kilig
Sasabog na itong nararamdaman ng puso ko
Ngunit natatakot ako
Natatakot akong sumabog itong pagmamahal ko para sa’yo
Dahil kapag sumabog ito at sabihin ko itong nararamdaman ko
para sa’yo baka mawala lang ang lahat
Kaya ngayon, mas okay na hanggang sa tingin na lang ako
Mas okay na pinapansin mo ako kahit paminsan minsan
Mas okay lang ako na nginingitian mo ako sa tuwing magkikita tayo
Mas okay lang ako na kinakawayan mo ako sa tuwing magkakasalubong tayo
Pero bakit ganun?
Umaasa pa rin ako na sa huli ay magiging tayo
Comments