Iniwan Mo

Akala ko tayo na talaga

Akala ko hanggang sa huli

Ngunit ang pag-ibig mo sa akin

Ay meron palang kahati sa iba

Akala ko masaya na

Akala ko habang buhay magsasama

Pero kataksilan ay biglang dumating

Nasa kanya pala ang pagmamahal

Akala ko ayos lang

Akala ko kaya ko

Sakit na ginawa mo

Tagos hanggang kaluluwa ko

Akala ko hindi ganoon kasakit

Akala ko walang lamat ang pag-iwan

Hinagpis ko ay napakatindi

Panaghoy na parang walang katapusan

Akala ko ako lang

Akala ko tunay ang ipinakita mo

Bakit iniwan mo ako?

Bakit biglang may ibang tinatangi

Akala ko mga pangako mo ay totoo

Akala ko mahal mo talaga ako

Hindi maibigkas ang nangyayaring ito

Sa akin na napakapait, napakadilim

Akala ko

Akala ko eto na talaga

Paano mo ito nagawa sa akin?

Paanong may iba ka na pala?

Akala ko ikaw na

Akala ko yung pag-aya mo

Sa akin sa kasal

Ay patunay ng iyong tamis ng pagmamahal

Akala ko bubuo tayo ng pamilya

Akala ko masaya tayong magsasama

Hindi ko alam kung paano

Paano ko lalagpasan ang dagok na ito

Nagdurugong puso

Nanlulumong damdamin

Hinagpis at pagtangis

Kailangan kong tanggapin