Maging Malaya sa Pagibig na...

Ayoko ng umasa
Pagod na akong maghintay sa wala
Gusto ko nang maging malaya
Sa pag-ibig na mukhang ako lang ang nakakadama
Puro na lamang biruan
Di na tuloy matukoy kung ano ang totoo sa kasinungalingan
Gusto ko nang maging malaya
Sa pag-ibig na wala namang kasiguraduhan
Hindi na ako mangungulit
Maglalaho na lang ako na parang bula
Gusto ko nang maging malaya
Sa pag-ibig na nagparamdam sa akin na hindi ako mahalaga
Sawa na akong masaktan
Bibigyan ng pagkakataon, sasayangin din naman
Gusto ko nang maging malaya
Sa pag-ibig na paulit-ulit sa kasalanan
Akala ko’y ikaw na nga
Sumugal at sa’yo lang naniwala
Gusto ko nang maging malaya
Sa pag-ibig na puno ng pangakong nauwi sa wala
Comments