Mahirap Ang Walang Label

Mahirap ang walang label

Daig ko pa ang mga paninda sa tindahan ni Aling Kuring

Na kung saan ang bawat kusing ay pinapahalagahan

Na kung saan ang bawat paninda ay may halaga

Ngunit heto ako, naghihintay na pahalagahan mo

Sabihin mo na merong tayo pero siguro hanggang ganito na nga lang tayo

Tayo, pero hindi talaga tayo

Mahirap ang walang label

Hindi ko alam kung saan ako pupunta o saan kami papunta?

Dinaig pa namin ang kalye crisologo na kung saan ay may masasabing

pangalan

Pero heto tayo, para tayong isang kalye na hindi mo alam kung ano ang

dapat itawag dahil kapag wala itong pangalan maliligaw ka. Maliligaw

sa kung ano nga ba talaga tayo, sa kung meron nga bang tayo

Dahil kung walang tayo, para tayong isang kalyeng nakakaligaw

Mahirap ang walang label

Sa mundong puno ng puro landian at paasa

Sa mundong puno ng sakit at hinagpis

Kaya hindi ko alam kung may halaga ba ako sa’yo

Hindi ko alam kung meron bang tayo

Hindi ko alam kung saan ako lulugar at kung may lugar ba ako diyan sa

puso mo