Makaka-move on din ako
“Mahal na mahal pa din kita” patuloy na sambit ko
At kahit anong gawin ko, ikaw pa din ang hanap ng pusong ‘to
Sinubukan kong lumimot, tumakbo’t magpakalayo
Pero lagi pa rin akong bumabalik sa panahong merong ‘tayo’
Para akong sira na kinakausap ang sarili ko
Patuloy na iniisip ang mga posibleng sagot mo
Pero kahit minsan, hindi mo ito sinagot ng deretso
Parang isang bula, tuluyan kang nawala sa buhay ko
Sinubukan kong magpanggap na okay lang ako
Ngumingiti ako kahit puro luha ang gustong tumulo
Pilit kong binubuo ang gumuho kong mundo
Pero ang totoo wala na akong maramdaman sa piligid ko
Pinaniwala ko ang sarili ko na maaayos pa natin ‘to
Na kailangan mo lang ng distansya at panahon para mapagtanto
Nagpakatatag ako, baka sakaling magbago ang isip mo
Pero mali ako, napagod lang ako sa kakaantay sa’yo
Alam kong darating ang panahong makaka-move on din ako
Na matatanggap at malilimutan ko rin ang lahat ng meron tayo
At pag nangyari yon, sana tama ang naging desisyon mo
Na pakawalan ang taong nagmahal sa’yo ng lubos at totoo
