Payong Kaibigan Lamang

Ang tamis ng inyong pagsasama

Akala mo'y hanggang sa dulo na

Lagi kayong magkasama

Hindi mapaghiwalay, kayo na talaga

Lakas ng tama mo

Sa taong matindi ang pagmamahal mo

Pag-ibig ay tunay na ipinapakita

Di alintana kahit puro gastos ka

Daig pa ng sanggol ang trato mo

Sa kasintahan mong lahat ay ibinibigay mo

Sa tuwing paglabas para kumain tayo

Una kang bumubunot ng pitaka mo

Kain dito, kain doon

Labas dito, labas doon

Pera mo'y tila di nauubos

Para sa pinakamamahal mo

Tuwing kaarawan ay bongga

Ang regalo mong napakamahal

Tuwing anibersaryo niyo

Grabe ang sorpresa mong handa

Hinay-hinay kaibigan

Sobra na yata ang ibinibigay mo

Hindi na yata patas ang laban dito

Maging wais din sa kaperahan mo

Ang pagpapakita ng pagmamahal

Ay hindi masama sa paraan ng paggastos

Ngunit bakit laging ikaw ang taya

Sa lahat ng lakad niyo nasaan ang ambag niya

Mahal ka ba talaga niya

O iba ang habol niya

May naalala ka ba

Na siya ang gumastos sa lakad niyo?

Nasaan ang mga regalo niya

May binigay nga ba siya

Meron naman siya pitaka

Ngunit ni minsan hindi niya hinugot

Bulsa niya'y napakakipot

At palad niya ay laging tiklop

Basta pera na ang pinag-uusapan

Pati sa kainan, ilag palagi siya

Kaibigan, gumising ka

Dapat pantay

Ang paglalabas niyo ng pera

Para sa isa't isa

Tanungin mo ang sarili mo

Mag-isip ka ng mabuti

Kung talagang tunay ang pag-ibig

Na sinasabi niya sa'yo

Dahil tila hindi makita

Ang "mahal kita" na binibigkas niya

Kahit paulit-ulit pa

Iba yata ang habol niya

Puro pakabig

Walang pagbibigay

Walang pagsasakripisyo

Kahit sa simpleng bagay

Ito'y payo lamang kaibigan

Ikaw ang iniisip ko

Ang kalagayan mo

Yun ang pinapahalagahan ko

Na sa'yo pa din ang pagpili

Ikaw pa din ang magdedesisyon

Nais ko lamang ay maging patas

Sa pag-iibigan at pagsasama niyo